Raddir Íslands
Almannarómur, Deloitte og Háskólinn í Reykjavík þróuðu vefinn samromur.is sumarið 2019 en verkefnið unnu háskólanemar, með styrk frá Nýsköpunarsjóði námsmanna. Markmiðið með Samrómi er að safna raddsýnum á íslensku, sem eru nauðsynleg til að hægt sé að byggja máltæknihugbúnað á íslensku. Sjá stutt kynningarmyndband um Samróm.
Til að hugbúnaðurinn skilji alla þarf að fá raddsýni sem flestra, á öllum aldri, af öllum kynjum og af ólíkum uppruna. Þú getur farið inn á samromur.is og lagt rödd þína af mörkum í þágu íslenskrar tungu.
![](https://images.prismic.io/almannaromur/11ca28e2-b49e-47e9-b835-354997d754a5_samromur-hero.jpg?auto=compress%2Cformat&rect=0%2C0%2C2120%2C1404&w=1060&h=600)
Þegar söfnuninni er lokið verður gagnasafnið gefið út með opnu leyfi. Þau sem vilja þróa lausnir fyrir íslenska tungu geta notað gagnasafnið endurgjaldslaust, til að mynda fyrir íslenskt raddstýrt viðmót í tækjum og tólum, lestrarþjálfun, rauntímatextun á sjónvarpsefni og rauntímaþýðingar. Til að fá aðgang að gagnasafninu skal hafa samband við skrifstofu CLARIN á Íslandi.
Þú getur lesið meira á vef Clarin á Íslandi
![](https://images.prismic.io/almannaromur/97f68616-c795-4c13-a190-0e3253c73c75_samromur-video-poster.jpg?auto=compress%2Cformat&w=850&h=478)
Taka þátt
Á vef Samróms geta allir sem hafa aðgang að síma, tölvu eða spjaldtölvu gefið raddsýni. Viðkomandi opna vefinn og smella á „Tala“. Þá birtir vefurinn lesurum setningu sem þau lesa upphátt með eðlilegum hætti. Að lestrinum loknum fer upptakan í gagnasafn Samróms. Með sameiginlegu átaki verður hægt að skapa gagnasafn sem nægir til þess að standa undir þróun í máltækni fyrir íslensku um ókomna tíð.
Samstarf við atvinnulífið
Framkvæmdaáætlun Almannaróms leggur áherslu á að rannsókna- og þróunarhópurinn leiti frekara samstarf við atvinnulíf, í því skyni að fyrirtækni geti hraðað uppbyggingu þekkingar innan sinna veggja og þar með þróun máltæknilausna fyrir viðskiptavini.
Einnig viljum við stuða að því að rannsakendur geti fengið innsýn í þarfir notenda og að almenningur komist nær því að geta átt samskipti og viðskipti á móðurmálinu.
![](https://images.prismic.io/almannaromur/e958a47c-0175-4d92-b969-054a297b1776_samstarf-cta.jpg?auto=compress%2Cformat&rect=0%2C0%2C1600%2C1600&w=800&h=800)