Kveikja er samstarfsverkefni sem hjálpar fyrirtækjum og stofnunum að meta hvar þau standa í gervigreind með tilliti til innleiðingar og færniuppbyggingar. Þessi þjónusta er í þróun og er væntanleg á haustmánuðum 2026.
Í máltækni er tölvutækni nýtt við beitingu tungumálsins og tungumálið nýtt við beitingu tölvutækni. Tilgangurinn er að auðvelda fólki notkun tungumálsins, á fjölda sviða.
Hér má sjá yfirlit yfir kjarnalausnir og útskýringar á þeim auk afurða máltækniáætlunar hingað til.
Á grundvelli samstarfsverkefnisins Glóðar veitir Almannarómur aðgengi að reikniafli fyrir tilrauna- og þróunarverkefni hjá sprotum og litlum- og meðalstórum fyrirtækjum.
Almannarómur leggur áherslu á að fræða fólk og fyrirtæki jafnt innanlands sem utan um notkun íslensku í tækni og um stöðu gerivigreindar á Íslandi og á heimsvísu.
Undir máltækniáætlun hefur átt sér stað mikil uppbygging innviða fyrir íslenska máltækni og gervigreind. Gríðarlegu magni íslenskra gagna hefur verið safnað og þróun átt sér stað á ýmsum hugbúnaði fyrir íslenskt mál, t.d. hugbúnaði fyrir þýðingarvélar, tal í texta, texta í tal og leiðréttingarforrit. Allir þessir innviðir hafa verið gefnir út undir opnum leyfum svo hver sem er geti nýtt sér þá við eigin hugbúnaðarþróun eða til að bæta íslenskugetu eigin lausna.
Á Hugging Face-síðu Almannaróms má nálgast opin grunnlíkön og hugbúnað sem hafa verið þróuð fyrir íslenska tungu.
Opna vef →
Almannarómur styður við máltækni og gervigreind á Íslandi með aðgengi að sérfræðiþekkingu, hugbúnaði, tæknilegum innviðum og styrkjum.
Styrkjunum er ætlað að styðja við þróun og innleiðingu hagnýtra endalausna sem byggja á máltækni. Styrkveiting er háð því að verkefni styðji við meginmarkmið máltækniáætlunar um að gera íslensku gjaldgenga í stafrænum heimi og stuðli að aukinni notkun á íslensku í tæknivörum og hugbúnaði.
Snemma á árinu 2025 styrkti Almannarómur sérstaklega innleiðingu máltæknilausna hjá fyrirtækjum og stofnunum í samvinnu við menningar-, nýsköpunar- og háskólaráðuneytið. Styrkirnir voru veittir undir yfirskriftinni Skerfur en 12 verkefni voru styrkt fyrir samtals 60 m.kr. Öll verkefnin fela í sér innleiðingu og/eða hagnýtingu á íslenskri máltækni í samræmi við máltækniáætlun 2.
