Skerfur er sjóður sem styrkir verkefni sem fela í sér innleiðingu og/eða hagnýtingu á íslenskri máltækni, í samræmi við áætlun um íslenska máltækni 2.0.
Skerfur veitir styrki til verkefna sem fela í sér innleiðingu og/eða hagnýtingu á íslenskri máltækni, í samræmi við áætlun um íslenska máltækni 2.0.
Styrkjum er úthlutað til verkefna sem styðja við innleiðingu eða þróun hagnýtra endalausna sem byggja á íslenskri máltækni. Styrkjum er því ekki úthlutað til verkefna sem miða að þróun eða viðhaldi grunninnviða máltækni. Styrkirnir eru samkeppnisstyrkir og er úthlutað til eins árs í senn.
Styrkveiting er háð því að verkefni styðji við meginmarkmið máltækniáætlunar um að gera íslensku gjaldgenga í stafrænum heimi og að stuðla að aukinni notkun á íslensku í tæknivörum og hugbúnaði.
Opna umsóknarvef →
Með því að sameina vistkerfi gervigreindar á landsvísu skapar New Nordics AI skipulag fyrir samstarf, aflar nýrra þekkingar og myndar rými fyrir nýtt samstarf og djarfar hugmyndir sem knýja áfram innleiðingu og þróun gervigreindar.
Verkefnastjórn máltækniáætlunar leggur mat á umsóknir og verður m.a. horft til þátta á borð við:
01
Mikilvægis verkefnis fyrir aukna verðmætasköpun/bætta þjónustu.
02
Skalanleika verkefnis, þ.e.a.s. hvernig umsækjandi sér það þróast, stækka og nýtast fleirum með það að markmiði að innleiðingin eða hagnýtingin bæti framboð tækni á íslensku og/eða auki þjónustu.
03
Gildi og ávinnings fyrir stöðu íslenskrar tungu í tækni.
Verkefnastjórn máltækniáætlunar þannig skipuð:
→
Lilja Dögg Jónsdóttir, formaður, skipuð af Almannarómi
→
Magga Dóra Ragnarsdóttir, skipuð af Almannarómi
→
Hallgrímur J. Ámundason, skipaður af menningar- og viðskiptaráðherra
