Til þess að gervigreind og önnur tækni nýtist fólki, fyrirtækjum og stofnunum á Íslandi þarf hún að virka á okkar tungumáli og vera „læs“ á það mál sem notað er í samskiptum, gögnum og vinnuferlum.
Íslenskugeta er þannig ein af forsendum þess að fyrirtæki og stofnanir hér á landi geti skapað verðmæti á grundvelli nýjustu tækni.
Íslenska í tækni er einnig mikilvægt aðgengismál, svo sem fyrir fatlaða og þá sem ekki hafa íslensku að móðurmáli og/eða eru að læra íslensku.
Almannarómur er miðstöð máltækni á Íslandi samkvæmt samningi við Menningar-, nýsköpunar- og háskólaráðuneytið og hefur í því hlutverki haldið um framkvæmd tveggja máltækniáætlana. Á grundvelli þessara tveggja áætlana hafa orðið til opnir, tæknilegir innviðir sem nýst geta öllum þeim sem vilja þróa tækni á íslensku.
Kjarnaverkefni er vinnuheiti yfir stök verkefni sem fjármögnuð eru úr máltækniáætlun. Markmið verkefnanna er ávallt að efla stöðu íslensku í tækni og skilyrði er að afurðir slíkra verkefna séu gefnar út með opnum leyfum. Afurðir kjarnaverkefna eru birtar á Clarin og á Github eða Hugging Face svæðum Almannaróms (með hlekkjum).
Verkefnastjórn máltækniáætlunar leggur til áherslur við úthlutun fjármuna til kjarnaverkefna hverju sinni. Áherslur verkefnastjórnar á tímabilinu 2024-2026 eru eftirfarandi:
01
Gagnaöflun: Tryggð áframhaldandi uppbygging á íslenskum gagnasöfnum og aukinn kraftur settur í stækkum Risamálheildar og fjölgun undirmálheilda.
02
Prófunargögn: Fleiri og betri mælapróf fyrir íslenskugetu ólíkra máltæknilausna.
03
Máltækni sem bætir aðgengi: Áhersla á þróun lausna sem gagnast fötluðum og öðrum sem styðja sig við tæknilausnir í daglegu lífi.
Ert þú með hugmynd eða tillögu að kjarnaverkefni? Hafðu samband hér → almannaromur@almannaromur.is
Á tímabili máltækniáætlunar 2024-2026 hefur fjórum verkefnum þegar verið lokið.
01
Prófunargögn og mælapróf fyrir opið mælaborð
02
Gagnaöflun í Risamálheild
03
Gagnaöflun fyrir talgreiningu náttúrulegs talmáls
04
Gagnaöflun fyrir barnaraddir í talgervingu
Upplýsingar um allar afurðir fyrstu máltækniáætlunar má finna hér.
Ítarefni um afurðirnar má einnig finna í lokaskýrslu verkefnastjóra SÍM, samstarfshópsins sem sá um þróun kjarnaverkefna áætlunarinnar.
